«Ойуулаах оҕуруо» куруһуок сонуннара.

Быйыл биһиги куруһуокпутугар уһуйааммыт үс бэлэмнэнии бөлөҕүттэн 10 кыыс баҕаларын биллэрэннэр үһүс сылын дьарыктанабыт. Былырыын саас саҕалаабыт «Бэйбэрикээн эмээхсин» саха норуотун остуоруйатынан оҥоһуллубут хартыынабытыгар оҕуруону уонна мозаиканы дьүөрэлээн араама инкрустациялаан оҥоро сылдьабыт. Оҕолор оҕуруонан дьарыктаналларын ахтан кэлбиттэрэ көстөр, үөрэн-көтөн астынан дьарыктаналлар. Улаатаннар оҥоһуктарын кыһаллан, кичэйэн үлэлиир буолбуттар. Пластилин, килиэй олоҕор оҥоһуктарбытын быйылгы сылга оҥоро үөрэниэхпит. Айар, толкуйдуур дьоҕурдара, өҥү дьүөрэлииллэрэ уонна тарбахтарын былчыҥнара сайдыа.

Куруһуок салайааччыта Аргунова Марфа Григорьевна.