Рубрика «Урумэччи»

Оҕуруону тиһэбит, тарбахпытын эрчийэбит.

Быйыл күһүҥҥүттэн иккис сылын “Ойуулаах оҕуруо” диэн уһуйаан иһинэн куруһуокпут үлэлиир. Нэдиэлэҕэ биирдэ дьарыктанабыт. “Кэскил”, “Үрүмэччи”, “Сулусчаан”, “Күнчээн” бөлөхтөртөн оҕолор олус сөбүлээн, үөрүүнү кытта сылдьаллар. Бу манна биһиги оҕуруо арааһынан маллары киэргэтэбит. Сыл аҥаардааҕы үлэбит түмүгүн иккис этээскэ быыстапка тэрийдибит. Кэлиҥ, көрүҥ, сэргээҥ, сыаналааҥ!

иитээччи Аргунова М.Г.

Хаартысканы бу ссылканан киирэн көр. https://photos.app.goo.gl/4SbaEMmdEaTLF4Kz9

 

“Үрүмэччи” сана дьылга бэлэмнэнэр

Ханнык баҕарар киһи – улаханныын, кыралыын, уһун тымныы кыһыҥҥа кэтэһэр-күүтэр бырааһынньыга Саҥа дьыл буолар. Биһиги бөлөххө Саҥа сылы көрсө бэлэмнэнии үлэлэр буола тураллар. Ол курдук, Чысхаан быһыылаах адвент-халандаарынан Саҥа дьыллааҕы аралдьыйыыбыт буолар күнүн ааҕабыт, күн аайы бириэмэни түргэнник аһараары халандаарбыт сорудахтарын толоробут. Продолжить чтение

“Үрүмэччи” сонуннара

20181207_175725          Сэтинньи ый – Байанай ыйа түмүктэннэ. Бу ыйга биһиги бөлөххө Баай хара тыа иччитэ Байанай туһунан оҕолор билиилэрин-көрүүлэрин өссө кэҥэттибит. Оҕо толкуйдуур дьоҕурун, болҕомтотун, тылын саппааһын байытарга “Сохсо” диэн саҥа остуол оонньуутун оонньоотубут. Сонун оонньууну о5олор олус сөбүлээтилэр. Араас тиэмэнэн дьэрэкээн ойуулаах каарточкалары сэргээн көрдүлэр-биллилэр. Быраабылатын умсугуйан туран ылынан, тутуьан  бэйэ-бэйэлэригэр үөрэттилэр. Дьиэ кэргэнинэн, хамаанданан, биирдиилээн күрэхтэһэргэ табыгастаах эбит диэн бэлиэтээтибит. Оҕо да, улахан да киһи сөбүлээн оонньуохтара диэн эрэнэбит.

Иитээччи Аргунова М.Г.

Рисунок2 Рисунок3

“Үрүмэччи сонуннара”

Сэтинньи ый 27 күнүгэр ыытыллыбыт, уһуйаан улахан саастаах оҕолоругар “Познай свой край, Якутию” остуол оонньуутун күрэҕэр, биһиги бөлөх оҕолоро 5 хамаанда кыттыбытыттан, 2 миэстэни ыланнар үөрдүлэр-көттүлэр. Бу күрэххэ Саха сирин айылҕатын, биллиилээх дьоннорун, үгэстэрин, кыылларын, символикаларын уо.д.а төһө билэллэрин тургутан көрдүлэр. Биһиги оҕолорбут биир да ыйытыкка сыыһа эппиэти биэрбэтилэр, төһө билиилээхтэрин барытын көрдөрдүлэр. Кыттыбыт оҕолорбутугар билиигит-көрүүгүт өссө элбээтин, хаҥаатын диэн баҕарабыт, ситиһиилээх буолуҥ.

                                                                                        Иитээччи: Григорьева С.А.

SLBT7076IMG_6960

“Үрүмэччи сонуннара”

      Сэтинньи 17 күнүгэр “Үрүмэччи” бөлөх оҕолоро, төрөппүттэрэ “Мамонт”  мусуойугар экскурсиялаан кэллибит. Оҕолор дьиҥнээх мамонт уҥуоҕун, скелетин илэ көрөннөр сөхтүлэр-махтайдылар. Телевизорынан хайдах түҥ былыргы мамоннар уҥуохтарын археологтар сир анныттан хостоон, лабораторияҕа үөрэтэллэрин көрдүлэр.  Оҕолор билбэтэхтэрин билэн, көрбөтөхтөрүн көрөн дуоһуйан тарҕастылар. Төрөппүттэр өрөбүл күҥҥэ маннык бары бииргэ, оҕолордуун ыытыллар тэрээһиннэр буолаллара туһалааҕын бэлиэтээтилэр, өссө да тэрээһиннэр буолалларыгар баҕаларын эттилэр.

                                                                                   Иитээччи: Григорьева С.А.

OHCC2161JIOO6517RTDQ2506

Маҥнайгы клубнай чаас

IMG-20181031-WA0077IMG-20181031-WA0083IMG-20181031-WA0089IMG-20181031-WA0071Быйыл үгэс буолбут маҥнайгы клубнай чааспыт ” Бары бииргэ – чөл олоххо” диэн тиэмэҕэ буолла. “Үрүмэччи” бөлөх оҕолоро быраабыла, бэлиэ үөрэтэн, фишкалары оҥостон, суумкаланан бастакы сырыылара буолар: уьуйааны барытын кэринэн, бөлөхтөргө, аһаҕас кабинеттарга сылдьан араас тэрээһиннэргэ кыттан, үөрэн-көтөн, сүргэлэрэ өрө көтөҕүллэн, дуоһуйан кэлэннэр кэпсээн-ипсээн бөҕө буоллулар. Оҕолор “чөл олох диэн доруобай буолуу, хамсана сылдьыы”  диэн өйдөөбүттэр: мульфильм көрбүттэр, өбүгэ оонньууларын оонньообуттар, көрдөөх физминуткалаабыттар, кердеех эстафеталаабыттар, артикуляционнай, тыыныыга эрчиллиилэри оҥорбуттар, психолог хоһугар релакстаабыттар, музыкальнай саалаҕа флешмоб ункуулээбиттэр. Аныгы клубнай чаас тэрээһинэ өссө интэриэһинэй буолуо диэн кэтэһэбит.

иитээччи Аргунова М.Г.

 

 

Үрүмэччи сонуннара

Алтынньы ыйга “Үрүмэччигэ” элбэх бырайыактар “Көмүс күһүн”, “Кун кубэй ийэ”, “Саха суруйааччылара – оҕолорго” диэн  араас тэрээһиннэрэ буоллулулар. Ол курдук алтынньы 31 күнүгэр “Кэскиллээх аа5ааччы” саха суруйааччыларын айымньыларынан хоһоон күрэҕэ ыытылынна. Бу күрэххэ оҕо уу сахалыы, дорҕоонноохтук ааҕан, араастык туттан-хаптан, ис хоһоонугар сеп түбэһиннэрэн хамсанан көрдөрдүлэр. Продолжить чтение

Ситиһиилээх сыл саҕаланна

Быйылгы үөрэх сыла биһиги “Үрүмэччибитигэр” ситиһиилээхтик саҕаланна. Ол курдук балаҕан ыйыттан саҕалаан уһуйаан араас хабааһыннаах тэрээһиннэригэр кыттаммыт бириистээх миэстэлэри ыллыбыт. Кэннибитин хайыһан көрдөхпүтүнэ: суол быраабылаларынан квест-оонньууга бэлэмнэнии уонна улахан бөлөх оҕолоругар биэс хамаандаттан иккис миэстэ, антитеррорга аналлаах акцияннан ыытыллыбыт курэхтэһиигэ түөрт хамаандаттан үһүс бириистээх миэстэҕэ тиксибиппит.  Биирдиилээн оҕолорго Барашкова Юлиана уһуйаан иһинэн талыллар түһүмэҕи ааһан төрөппүттэринээн оҥорбут быраҕыллыбыт туһаттан тахсыбыт матырыйааллартан оҥоһуктар курэстэригэр “Массажер” оҥоһуга куораттааҕы курэскэ баран үһүс миэстэҕэ тигистэ. Бу ааспыт бээтинсэҕэ уһуйаан иһинэн тэриллибит “Осенины” мюзиклга Тимофей Пустоляков, Айна Агапова ситиһиилээхтик артыыстаан, ыллаан көрдөрдүлэр. Биһиги бөлөхпүт төрөппүттэрбитинээн, оҕолорбутунаан, иитээччилэрдиин биир дьиэ кэргэн курдук улэлээн-хамнаан, толкуйдаан-сүбэлэһэн бөлөхпүт сайдар эйгэтин оҥордубут. Сыл саҕаланыытынан бастыҥ тэрээһиннээх группа аатын ыллыбыт. Оҕолорбутун, төрөппүттэрбитин биир сомоҕо буолан  инникитин өссө үрдук ситиһиилэнниннэр диэн баҕарабыт.

иитээччи Марфа Григорьевна Аргунова.

 

 

“Үрүмэччи сонуннара”

“Көмүс күһүн”- атыы – дьаарбаҥката.

Алтынньы ый 5 күнүгэр уопсай уһуйаан дьаарбаҥката буолан ааста. Онно биһиги бөлөх иитиллээччилэрэ, төрөппүттэрэ көхтөөхтүк кытыннылар. Ол курдук оголор “О5уруот астара” – диэн монтаж-хоһоон аахтылар, “Күһүн”- диэн ырыа ыллаатылар. Төрөппүттэрбит остуолларын тэрийбит тиэмэлэрэ “Саһархай төбөлөөх подсолнух”. Араас ас, бүлүүдэ , кэнсиэрбэ эгэлгэтэ тардылынна. Ордук интэриэһинэй “Дьэрэкээн өҥнөөх сибэкки” – кейкпопсы, фруктаттан шашлык,  “минньигэс күһүҥҥу букет”, кабачоктан икра, барыанньа уо.д.а көмүс күһүн бэлэхтэрэ атыыга хамаҕатык бардылар. Бу атыы-дьаарбаҥкатыттан биһиги бөлөхпут 7.500 солк харчы киллэриннэ. Кыттыбыт,тэрийсибит төрөппүттэрбитигэр махтал.

                                                                                         Иитээччи: Григорьева С.А.

RUPN3604

             KKOJ6811                                                                            

“Урумэччи” сонуннара

Ыам ыйа уэрэх дьылын тумуктуур ый. Бу ыйга биьиги белехпут оголоро Кыайыы кунун бэлиэтиир тэрээьиннэргэ тереппуттэрин кытта “Ким да умнуллубат ” диэн проект бэлэмнээн а5алан кэпсээтилэр. Оголор хос эбээлэрин, эьээлэрин туьунан, кинилэр хайдах сыранар кыайыыны уьансыбыттарын долгуйан, киэн туттан туран билиьиннэрдилэр. Сэрии хаьан да буолбатын, куруук эйэлээх олох баар буоллун диэн уруьуй, оцоьуктар выставкаларын тэрийдибит.

                                                                                            Иитээччи:Григорьева С.А.

BSRU3211CJRR8243