Олунньу 22 күнүгэр биһиги уһуйааммытыгар Аҕа дойдуну көмүскээчилэр күннэригэр аналлаах «Оҕой Боотурдар» күрэхтэрэ буолан ааста. Күрэххэ биэс бөлөх кытынна.
Бастакы түһүмэххэ бэйэлэрин билиһиннэрдилэр, алгыс тылларын эттилэр. Иккис түһүмэххэ биһиги уолаттарбыт «Уол оҕо туохтан да куттаммат» диэн ырыанан эҕэрдэлээтилэр. Үһүс түһүмэххэ «Боотурдар күрэхтэрэ» сахалыы оонньууга «Күнчээн» хамаандата бастакы миэстэни ылан үөрүүбүт үксээтэ. Иккис миэстэ «Үрүмэччи», үһүс миэстэ «Кэскил» хамаандата буоллулар.
Наартаны ыстаныыга Нифонтов Вася 1 миэстэ, 2 миэстэ «Күнчээн» бөлөхтөн Гоголев Вадим, 3 миэстэ Корнилов Арылхан буоллулар.
Түмүгэр «Күнчээн» бөлөх боотурдарын күүстээх-уохтаах, сымса, булугас өйдөөх, сыыдам сырыылаах, хорсун хоодуот уолаттарбытын кыайыыларынан уонна бырааһынньыгынан эҕэрдэлээтибит, кыргыттар бэйэлэрэ оҥорбут бэлэхтэрин туттардылар.
Иитээччи Урбагаева М.И.