«Космос» нэдиэлэтэ

«Күнчээн» бөлөххө «Космос» нэдиэлэтэ буолан ааста. Ол курдук нэдиэлэ устата араас тэрээһиннэр буоллулар.

«Космос куйаара» диэн ааттаах мини-музейга оҕолор төрөппүттэрин кытта оҥорбут оҥоһуктарын  аҕаллылар. Тугу оҥорбуттарын кэпсээн көмүскээтилэр. Космоска сыһыаннаах литературалары көрдүлэр, иһитиннэриилэри иһиттилэр.

Космос куйаарга аналлаах дьарык, уруһуй, сыһыарыы дьарыктарыгар үлэлэри оҥордулар, презентациялары көрдүлэр. Нэдиэлэ түмүгүнэн тугу билбиттэрин-көрбүттэрин чиҥэтэр «Космос туһунан мин тугу биллим» диэн викторина буолан ааста.

Түмүгэр «Ракета» хамаанда кыайан үөрүүлэрэ үксээтэ. Онон оҕолорго олус интэриэһинэй нэдиэлэ буолан ааста, билиилэрэ-көрүүлэрэ өссө кэҥээбитэ буолуо диэн эрэнэбит.

Иитээччи: Урбагаева М.И.

WhatsApp Image 2018-04-13 at 20.16.41 WhatsApp Image 2018-04-13 at 20.16.52 WhatsApp Image 2018-04-13 at 20.16.47 WhatsApp Image 2018-04-13 at 20.16.56