Бүгүн сэтинньи ыйга сылын аайы үгэс буолбут күрэх буолан ааста. Сэтинньи ый — Баай Байанай ыйа. Бу кэмҥэ биһиги оҕолорбутунаан булт-алт, балыктааһын, булт тэриллэрин, сүөһү-сылгы, көтөр-сүүрэр, күөл, өрүс балыктарын туһунан элбэҕи кэпсэтэбит, чинчийэбит, оонньуубут. Ол курдук бүгүн эти-сиини эрчийэр инструктор Егор Юрьевич улахан бөлөх оҕолоругар «Мин аҕабынаан» диэн спортивнай күрэхтэһии ыытта. Барыта түөрт бөлөхтен 4 аҕа, 4 уол кытыннылар. Кинилэр биэс түһүмэҕи иннигэр-кэннигэр түсүһэн тыҥааһыннаахтык күрэхтэстилэр. Биһиги «Үрүмэччибититтэн» кыттыбыт Арчылаан, Михаил Романович Леонтьевтар хамаандалара бастаан кыайыы үөрүүтүн биллилэр. Түгэнинэн туһанан эҕэрдэбитин уонна махталбытын этэбит.
Иитээччи Аргунова М.Г.