Олунньу 10 күнүгэр Мичээр уһуйааҥҥа олус сэргэх Уьулуччу ордук диэн оҕо талаанын арыйар фестиваль ыытылынна. Бу тэрээһини Мин эйгэм диэн иитээччилэр айар бөлөхтөрө ыытта.
Ол курдук Кэскил бөлөхтөн Ириша Захарова — бэйэтин дьиэ кэргэнин үс омук тылынан арыйан кэпсээтэ, элбэх сэҥээриини ылла. Саша Черноградскай — улуу классик А.С.Пушкин Евгений Онегин диэн поэматтан быһа тардан нойосуус аахта. Оҕолорбут иккиэн иккис турга таҕыстылар.
Салҕыы ситиһиилэри баҕарабыт.
Иитээччи: Мария Васильевна Афанасьева