Муус устар 23 күнүгэр «Өркөн өй» — оҕо толкуйдуур дьоҕурун сайыннарар куруһуок сыллааҕы түмүктүүр дьарыга ыытылынна. Куруһуокка дьарыктанар 9 оҕо уонна кинилэр төрөппүттэрэ кэлэн кытыннылар. Оҕолор төрөппүттэрин кытта «Дары Фребеля» («Фребель бэлэхтэрэ») оонньуур наборунан оонньоотулар, араас толкуйдатар сорудахтарга эппиэттээтилэр. Оонньуу нөҥүө оҕо билэ-көрө сатыыр баҕата сайдар, кэпсэтэ, быһаарса, дакаастыы, толкуйдуу үөрэнэр. Маны барытын төрөппуттэр оҕолорун кытта бииргэ алтыһан, дьарыктанан биллилэр. Куруһуок үлэтин ис хоһоонун туһунан төрөппүттэр буклет илдьэ бардылар, баҕа санааларын суруйдулар.
Салайааччы: Григорьева С.А.
