О5о саҥарар дьоҕурун бэйэ оҥоһуга оонньуурдарынан оонньотон сайыннарыы олус интэриэһинэй уонна кэрэхсэбиллээх. Оонньууну оҕо санаатын көрөн-истэн талбыт салайан уларытан биэриэххэ сөп. Арыт бииргэ оонньоон оҕоҕутун үөрдүҥ диэн сүбэлиибит:
« Этэрбэстэр»
Оскуола5а киириэн иннинээ5и саастаах о5о остуол тула олорон оонньуура
Туттуллубут матырыйаал:
Суккун танастан о5о тарба5ар сеп буолар гына сахалыы тигиллибит этэрбэстэр .
Анала:
— кыра о5о до5отторун кытта алтыьа, сэһэргэһэ оонньоон сайыннарар
— доҕотторун ортолоругар кыбыстыбакка туттар –хаптар
— саҥарар дьоҕура сайдар
— тыл саппааһа байар
— санаатын этэр,үллэстэр
— сорудаҕы толорор
Быьаарыы:
О5о икки этэрбэһи ылан хайа илиитин тарбаҕар кэтэргэ табыгастааҕынан кэтэр, быатын түспэт гына баайар.
Оонньуу ис хоһоонунан көрөн тарбаҕын хамсатар уонна :
— хоһоон ааҕыан сөп
— ырыа ыллыыр
— чабырҕах ааҕар
— таабырын таайтарар
— үҥкүүлүүр
— оһуохайдыыр
— атах тэпсэ оонньуур
— футболлуур
— кылыйар
— ыстанар
— сүүрэр
— миэстэттэн ыстанар
— сасыһар
— эккирэтиһэр уо.д.а
Оонньуу тэҥэ оҕо оонньуур кэмигэр табыгастаах тыллары туттан саҥарар, кэпсиир.
«Саха балаҕана”
Анала:
кыра саастаах оҕо ооньууругар мастан оноһуллубут хомулук
Оонньуу ис хоһооно: оонньууга икки эбэтэр хас да буолан оонньуохха сөп.
Балаҕан хас биирдии эркинэ, муостата, күрүөтэ, мала-сала тус -туспа арахсаллар. Оҕо оонньууругар бэйэтэ баҕарарынан уларытан оҥоруон сөп.Оонньуу таарыйа сэһэргэһэр, сүбэлэһэр дьоҕура сайдар
«Талах мастан ынахтар»
Анала: кыра саастаах оҕолор оонньуурдара
Туттуллубут матырыйаал: талах мас
Быһаарыы:
-Талах мастан ынахтары ахсаан эйгэтигэр туттарга табыгастаах. Оҕо оонньуу таарыйа суоттуурга ааҕарга сайдар.
-Талах ынахтарынан оонньуу олорон сэһэргэһэр, алтыһар, тылын саппааһа байар уо.д.а
“Кылтан оҥоһук – баттах, мээчик”
Анала: кыра саастаах оҕолорго тарбах былчыҥнарын сайыннарарга аналлаах оонньуур.
Быьаарыы:
Кылтан оҥоһуллубут оонньуурдар оҕо доруобуйатыгар олус туһалаахтар
-имэрийэ сайыннараллар
-оҕо күннэтэ кыл оҥоһуктары тыытан оонньоон тарбаҕын бытархай былчыннара сайданнар, оҕо толкуйдуур, анаарар, сэһэргэһэр алтыһар кыаҕа тупсар тыл саппааһа байар.
