“КЭСКИЛ” бөлөх сонуннара

«Алтыһыы түһүлгэтэ»

Тохсунньу 31 күнүгэр «Алтыһыы түһүлгэтэ» («Клубный час») диэн оҕолорго оонньуу ыытыллан саҕаланна. Бу оонньуу о5ону сахалыы өйгө — санааҕа, түмсүүлээх, быһаарыныылаах буоларга иитэр. Биһиги оҕолорбут бэлиэлэри сөпкө тутуһан атын бөлөхтөргө сылдьан оонньоон, билсэн — көрсөн кэлэн кэпсээннэрэ муҥура суох.  Саамай сөбүлээбиттэрэ музыкальнай залга бары мунньустан уоттаах — күөстээх дискотека буолар. 

Оскуолаҕа бэлэмнэнии бөлөххө ыалдьыттыыллар.

Дискотека түгэнэ

Иитээччи: М.В.Афанасьева

«Доруобуйа нэдиэлэтэ»  

Тохсунньу 23 — 27 күнүгэр диэри уһуйаан үрдүнэн «Доруобуйа нэдиэлэтэ» сүрдээх көхтөөхтүк уонна интэриэһинэйдик буолан ааста.

Бу ыытыллыбыт тематическай нэдиэлэҕэ кыттыыны ылбыт оҕолорбутугар, төрөппүттэрбитигэр улахан махталбытын тиэрдэбит. Өрүүтүн да кыайыыга дьулууру, көхтөөх кыттыыны баҕарабыт.

Тохсунньу 27 күнүгэр «Күөн көрсүһүү» — төрөппүттэр уонна иитээччилэр икки ардыларыгар доҕрдуу көрсүһуутэ буолан ааста. Төрөппүттэр хамаандалара кыайыылаах таҕыстылар. Биһиги бөлөхтөн төрөппүт Ирина Васильевна Черноградская кыттыыны ылла.

 

 

 

 

 

«Көрдөөх стартар —  «Ийэм, а5ам уонна мин» күрэххэ Матвеевтар дьиэ кэргэттэрэ кыттыыны ылан бочуоттаах 1 миэстэҕэ тигистилэр.

 

 

 

 

«Спорт — мин олохпор » диэн дьиэ кэргэн күрэ5эр Иванов Эрхан ийэтинээн Наталья Ивановналыын кинилэр дьиэ кэргэннэрэ спорт туох туһалааҕын, спордунан дьарыктаналларын, убайа уонна аҕата ситииһиилэрин (араас мэдээллэри) аҕалан көрдөрөн оҕолор сэҥээриилэрин ылла.

 

 

 

 

 

Иитээччи М.В.Афанасьева

«Умники и умницы» 

Тохсунньу 20 күнүгэр «Тоҕус төгүл тоҕо» — творческай бөлөх тэрээһининэн «Умники и умницы» диэн интеллектуальнай оонньуу олус интэриэһинэйдик умсугутуулаахтык буолан ааста. Биир балынан биһиги бөлөхпүт иккис миэстэгэ тигистэ.  Оҕолор сертификат, минньигэс тутан олус үөрэн, аныгыскы күрэххэ бэлэмнэнэн кэлэн кыайыы өрөгөйун билиэхпит диэн тарҕастылар.

 

 

 

 

Таҥха киэһэтэ

Тохсунньу 12 күнүгэр улахан бөлөх оҕолоругар Анна Елисеевна Таҥха уонна таҥхалааһын туһунан билиһиннэрдэ.  Ый суолтатын, сахалыы билгэлээһини оонньоон көрдөрдүлэр. Оҕолор олус интэриэһиргээтилэр.

 

 

 

 

 Иитээччи: Васильева М.И.

Биһиги “Кэскил” бөлөх 2016 сыллаахха кулун тутар ыйга аһыллан үлэбитин саҕалаабыппыт. Оҕолорбут адаптацияларын этэҥҥэ ааһан быйылгы 2016-2017 үөрэх дьылыгар үөрэ-көтө улахан бөлөх буолан көрсүбуппүт.

 Быйылгы үөрэх дьылыгар киирэн баран балаҕан ыйын 16 күнүгэр“Спорт-это сила, здоровье,красота и радость” диэн спортивнай бырааһынньыкка ситиһиилээхтик кыттан 3 бочуоттаах миэстэни “Кустук”бөлөҕү кытта үллэстибиппит.

Алтынньы 7 күнүгэр “Oвощная фантазия” диэн  сыл аайы ыытыллар ярмаркаҕа көхтөөхтүк кыттан “За массовость” диэн номинацияҕа тиксибиппит.Оҕуруот астарыттан оҥоһуллубут араас бүлүүдэлэрбитин атыылаан бөлөхпүтүгэр 3 тыһыынча кэриҥэ харчыны киллэрбиппит.    

      

Алтынньы 21 күнүгэр Ийэ күнүгэр аналлаах мероприятиеҕа биһиги оҕолорбут “Биһиги маамабыт” диэн ырыанан бэйэлэрин эҕэрдэлэрин тириэрдибиттэрэ. Төрөппүт Антонова Елена Еремеевна бэйэтин дизайнер идэтин туһунан кэпсээн, оҕолор интэриэстэрин тарпыта.

Сэтинньи 18 күнүгэр буулдьанан ытыыга аҕаларга күрэх буолбута. Тэрийээчилэр-“Тойон Сүбэ” диэн аҕалар түмсүүлэрэ, бэрэссэдээтэл А.С.Чугунов. Биһиги бөлөхтөн бу тыҥааһыннаах киирсиигэ Черноградскай Юрий Алексеевич, Луковцев Семен Афанасьевич, Евдокимов Григорий Егорович  ситиһиилээхтик кыттыбыттара.

 

 

Сэтинньи 21 күнүгэр “Чэгиэн” творческай бөлөх тэрийээһининэн чөл олох тематыгар дьиэ кэргэнинэн презентация көмүскээһинэ буолбута. Биһиги бөлөхтөн Кугдаров Марк аҕатынаан Роман Романовичтыын кыттаннар “Туоһу суругунан” наҕараадаламмыттара.

 

Сэтинньи 25 күнүгэр чөл олох нэдиэлэтин чэрчитинэн, улахан уонна бэлэмнэнии бөлөх икки ардыларыгар “Веселые старты” күрэхтэһии буолан ааспыта. Хатыһыылаах күрэх түмүгэр биһиги “КЭСКИЛ” бөлөх 2 бочуоттаах миэстэҕэ тиксэн үөрүү амтанын билбиппит.

 

Сэтинньи-Байанай ыйа сыл ахсын буоларын курдук “Строганина 2016” диэн куонкуруһунан түмүктэннэ. Биһиги бөлөхтөн төрөппүттэр Нифонтова Күннэй Николаевна, Антонов Дмитрий Иванович “Бастыҥ бүлүүдэ” диэн номинация хаһаайыттарынан буолбуттара.

Уһуйааммытыгар ыытыллар бары тэрээһиннэргэ,күрэхтэргэ көхтөөхтүк кыттар,сүүрэр-көтөр,кыһанар төрөппүттэрбитигэр барҕа махтал!