Бэнидиэнньик
Ситиһии нэдиэлэтэ салҕанар. Уһуйааммыт төрөөбүт күнэ буолара 18 хонук хаалбыт.
Күннэтэ араас тэрээһиннэр ыытыллан, үлэ күөстүү оргуйар.
Нэдиэлэ маҥнайгы күнүгэр биһиги уһуйааммыт иитээччилэрэ уонна заведующай, биһиги бөлөхтөн 10 иитиллээччини илдьэн 2 блокка арахсан уһуллан кэллибит.
Бары даҕаны киэн эйгэҕэ аан бастакыбытын тахсан олус долгуйдубут уонна үөрдүбүт.
Салгыы кэлэн бу күн уһуйааммытыгар доруобуйа чөл олоҕу тутуһуу диэн аһаҕас түмсүү буолла. Онно биһиги бөлөхтөн Филиппов Слава ийэтинээн доруобай буолуу төрүөттэрин сэһэргээн анал сертификатынан наҕараадаланнылар. 
Маннык тэрээһиннэртэн өссө биир уратытык олонхо бырааһынньыга буолан ааспыта. Олонхо геройдарын, олоҕун-дьаһаҕын билсэн билбэтэхпитин билбиппит, көрбөтөхпүтүн көрбүппүт.
Үбүлүөй тэрээһинигэр итээччилэрбит портреттарын уруһуйдаан быыстапкаҕа кытынныбыт.
Күннэтэ сайдар үчүгэйиэн, үүнэр, чэчириир кэрэтиэн!