Кулун тутар 21 күнүгэр «Остуоруйаҕа ыалдьыттааһын» күрэх олус тыҥааһыннаахтык буолан ааста. Бу күрэххэ «Күнчээн» уонна «Кэнчээри» улахан бөлөх хамаандалара кытыннылар.
Оҕолор элбэх остуоруйаны билэллэрин, сөбүлээн истэллэрин, билиилэрин көрдөрдүлэр. Остуоруйа хонуутугар барабаан тула элбэх араас боппуруостарга эппиэттээтилэр.
Ол курдук хартыынаны хомуй, матыыбы таай, утары хамаандаҕа тыла суох остуоруйа оонньоон көрдөрүү, схеманан остуоруйа аатын таайыы, остуоруйаны салгыы эт, ханнык остуоруйаттан дьоруойдарый, хараҥа дьааһык уонна да элбэх сорудахтары толордулар.
Түмүккэ «Күнчээн» хамаанда 1 миэстэни ылан үөрүүбүт үксээтэ. Инникитин өссө да ситиһиилэри баҕарабыт!
Иитээччи: Урбагаева М.И.
