Кустук бөлөх сонуннара

    Биһиги бөлөхпүт оҕолоругар   «Умный рюкзачок» диэн бырайыагы ылынан оҕо, төрөппүт, иитээччилэр буолан ыкса ситимнээхтик улэлии сылдьабыт. Бу бырайыак оҕо кыра сааһыттан кинигэни таптыырыгар,   истибит кэпсээнин, остуоруйатын ис хоһоонун оҕолор иннилэригэр сатаан ситимнээхтик кэпсииригэр, сөбүлээбит түгэнин уруһуйдууругар иитэр- үөрэтэр. Нэдиэлэ аайы түөртүү  оҕоҕо кинигэни анал рюкзакка уган оҕоҕо бэриллэр. Төрөппүт оҕотугар кинигэни билиһиннэрэр уонна онтон кэпсээн эбэтэр остуоруйа ааҕан иһитиннэрэр оҕо истибитин бэйэтэ ситимнээхтик кэпсииргэ эрчиллэр ол кэннэ кэпсээнтэн  сөбүлээбит эбэтэр сөбүлээбэтэх түгэнин уруһуйдуур. Онтон дьиэтигэр төрөппүттэригэр, дьиэ кэргэнигэр кэпсээн эрчиллэр  дьэ ол кэнниттэн уһуйааныгар кэлэн оҕолор иннилэригэр бэйэтэ кэпсиир, оҕолор боппуруостарыгар эппиэттиир. Кинигэни кыра эрдэҕиттэн көрө, кэпсээни, остуоруйаны болҕойон истэ үөрэммит оҕо кэлин улаатан баран бэйэтэ ааҕан билэргэ кыһаллар, кинигэттэн элбэҕи билэ-көрө үөрэнэригэр саарбахтаабаппыт.Сыл бүтүүтүгэр оҕолор уруһуйдарынан быыстапка тэрийэбит. Төрөппүт төһөнөн оҕотун кытта үөрэ-көтө кинигэни билиһиннэрэр, кэпсиир да оҕо эмиэ үөрүүнэн көрүө,истиэ,кэпсиэ.Оҕолоргутугар бириэмэ анаан кэпсэтэргит, кини кэпсээнин сэргээн истэргит мэлдьи улахан суолталааҕын өйдүөх тустааххыт.

Маны таһынан №40 “ Солнышко”  уһуйаан ыытар авторскай  ”Читаем вместе” бырайыагар кыттыьан  ый аайы оҕолору кытыннара сылдьабыт.Бу  куорат уһуйааннарын икки ардыгар ыытыллар күрэхтэһиигэ  бу ыйга биһиги бөлөхтөн Максимова Сандаара ийэтинээн Екатерина Михайловналыын  К.И.Чуковскай суруйбут  “Муха Цокотуха” айымньытын ааҕаннар  3 степэннээх дипломунан наҕараадаланнылар.Маннык  ый аайы араас темаларынан  оҕолорбутун кытыннарар былааннаахпыт.

 Назарова Раиса Геннадьевна

 

                                  Алтынньы ый  

Алтынньы ыйга «Мичээр» уһуйааҥҥа араас элбэх тэрээһиннэр буолан аастылар, онно биһиги бөлөхпүт оҕолоро,төрөппүттэрэ көхтөөхтүк кытыннылар.

—         «Күһүҥҥү киһи күлбүтүнэн» быыстапка,атыы дьаарбаҥкатыгар  оҕолорбут төрөппүттэрэ тикпит таҥастарын кэтэннэр араас эгэлгэ авангард муоданы көрдөрдүлэр, ыллаатылар бырааһынньыгы сүрдээхтик киэргэттилэр, төрөппүттэр бары  сахалыы ас арааһын астаан аҕалан быыстапкаҕа туруордулар, түмүгэр атыыга хамаҕатык барда. Сахалыы төрүт аспытынынан аһыаҕыҥ, доруобай буолуоҕуҥ! Быыстапка түмүгэр  “Сахалыы төрүт ас ”  номинация ананна, бу тэрээһиҥҥэ бөлөхпүт төрөппүттэрэ  бары көхтөөхтүк кытыннылар.

—         26.10.17. Суол быраабылатын  билиигэ «Путешествие  в страну дорожных знаков » диэн хамаанданан күрэхтэһиигэ биһиги бөлөхтөн алта оҕо ситиһиилээхтик кыттан бастакы миэстэни ыллылар.

Оҕолор күрэхтэһиигэ үөрэ- көтө кыттан суол быраабылатын билиигэ билиилэрин  чиҥэттилэр, сэрэхтээх буоларга үөрэннилэр.

Маны таһынан  Егорова Сандаара  оҕо дыбарыаһыгар  дуобат куруһуогар  саҥа оонньуур оҕолору кытта  күрэхтэһэн икки күрэхтэһиигэ иккиэннэригэр  3 степэннээх диплому уонна мэтээл ылары  ситистэ.Бу дьоһун ситиһиититтэн бары үөрэбит, астынабыт. Салгыы өссө дьарыктанан өссө үрдүк ситиһиилэнэригэр баҕарабыт.

     Жерготова Аида Иннокентьевна