09.11.2016
Тапталлаах уһуйааммыт 35 сааһын туолар биир ыйдааҕы сырдатар-сэһэргиир сахалыы ис хоһоонноох халандаарбыт бары көрүүгүтүгэр ыйанна. 
Биһиги Сулусчааннар бу үөрүүлээх күнү үөрэ-көтө үрдүк таһымнаах көрүстүбүт. Ол курдук сарсыардаттан төрөппүттэрбитин кытта бииргэ түмсэн «Сэргэлээх уоттара» культурнай кииҥҥэ ырыа күрэҕэр «Мин тапталлаах Мичээрим» диэн уһуйааммыт гимнин толорон ыллаан кэллибит.
Бу гимн бүгүҥҥү үөрүүлээх күнүнэн аан бастаан улахан сценаҕа дьиэрэйдэ. Гимн тылларын биһиги иитээччибит Сысолятина Валентина Илларионовна суруйбут, мелодиятын ырыа кэрэ эйгэтигэр уһуйааччыбыт Григорьева Анна Дмитриевна айбыт. Уһуйааммыт күнүн көрсө бэлэх уунабыт. 
Бүгүҥҥү күммүт үөрүүтэ үгүс, күрэхтэһэн ыламмыт күүстээхтэрбитин быһаардыбыт. Эрчим дьарыгар Мира Дмитриевна олус көхтөөх күрэҕи тэрийэн мас тардыһа оонньоотубут. Түмүгэр Семенов Виталийбыт күүһүн кыаҕын кимиэхэ да биэрбэккэ кыайан I миэстэни ылла. Барбасытов Эрсан олус көхтөөхтүк кыайталаан II миэстэҕэ тигистэ. III миэстэҕэ Семенов Димабыт барыларыттан долуйан үөрэ-көтө киирсэн тигистэ. Истиҥ эҕэрдэ!!!
Бүгүҥҥү ырыа күрэҕэр биһиги кыргыттарбыт уолаттарбытын Кривошапкин Арчыны, Михайлов Петяны ырыа кэрэ алыыбыгар уһуйан улахан сценаҕа аан бастакы тахсыбыт күннэринэн эҕэрдэлиибит.
Куруук маннык бииргэ ырыа кэрэ эйгэтигэр сайда-үүнэ туруоҕун!!!