«Кустук» улахан бөлөх сонуннара.
Күнүн ахсын «Мичээр» оҕо уһуйааныгар үөрэ-көтө оҕо аймах мустар.Ол курдук биһиги бөлөхпүтүгэр эмиэ кэпсээн –ипсээн кэһиилээх,ырыа- тойук аргыстаах оҕолорбут барахсаттар кэлэллэрин үөрэ-көтө көрсөбүт.Уһуйааҥҥа ыытыллар араас тэрээһиннэргэ оҕолорбут,төрөппүттэрбит көхтөөхтүк кытталлар. Биһи бөлөхпүт уонна уһуйааҥҥа ыытыллар араас тэрээһиннэр сүрүн сонуннарыттан кылгастык билиһиннэриэхпитин баҕарабыт.
- Балаҕан ыйа- Улуу Суорун ыйа
«Спорт это сила,здоровье,красота и радость» диэн доруобай буолууну пропагандалааһын нэдиэлэтигэр ыытыллыбыт бөлөхтөр икки ардыларынааҕы күрэххэ биһиги оҕолорбут сүрдээх көхтөөхтүк күрэхтэһэннэр 2 миэстэни ылан грамотанан наҕараадаламмыттара.
- Алтынньы — Хотой Айыы ыйа
Куорат уһуйааннарыгар ыытыллыбыт «Шкатулка сказок»российскай остуоруйалар персонажтарын оҥоһугун күрэҕэр «Смешарики» мультфильм геройдарын Татаринова Полина ийэтинээн Вероника Дмитриевналыын кыттан сертификат ылбыттара.
«Күһүҥҥү киһи күлбүтүнэн» ярмаркаҕа төрөппүттэр ас арааһын астаан кытыннылар «Оригинальнай бүлүүдэ» номинацияны ылбыттара.
Сэтинньи – Байанай ыйа
«Доруобуйа – чөл олох төрдө» диэн доруобай буолууну көҕулээһин нэдиэлэтигэр ыытыллыбыт тэрээһиҥҥэ биһи бөлөхпүтүттэн Дь.Варя ийэтинээн Ольга Васильевналыын презентация оҥорон кыттыбыттара,Варя сүрдээх үчүгэйдик кэпсээн барыбытын үөрдүбүтэ.Онтон «Бэһиэлэй стартар»күрэхтэһиигэ 4 уол (Эрхан,Алеша Ф.,Эрчим,Захар)4кыыс (Т.Настя,Н.Дайаана,М.Сандаара,З.Настя) кыттан 3 миэстэни ылбыттара.
«Мичээр»уһуйаан төрөппүттэрин икки ардыларыгар «Тойон сүбэ»тэрийиитинэн ыытыллар «Буулдьанан ытыы» күрэҕэр биһиги төрөппүттэрбит кыттан 2 миэстэни ылары ситиспиттэрэ, биирдиилээн зачетка 41 очкону ылан Егор Егорович Захаров 1 миэстэни ылбыта.
«Строганина- 2016» күрэхтэһиигэ биһи бөлөхтөн Екатерина Михайловна Максимова,Александр Егорович Павлов кыттаннар «Бастыҥ кыһааччы» номинация хаһаайыннарынан буолбуттара.
Ахсынньы – Билгэ Хаан ыйа
Строительнай уокурук уһуйааннарыгар ыытыллыбыт «Лучщий чтец»үгэ ааҕыытын күрэҕэр Захарова Настя кылгас бириэмэ иһигэр «Хаххан уонна чыычаах» үгэни үөрэтэн кыттан сертификатынан наҕараадаламмыта.
«Зима начинается с Якутии» региональнай конкурс-фестивальга «Уолан» ансамбл уолаттара (Уолан, Эрчим, Эрхан, Захар, Арсен) салайааччы Николаев Владимир Николаевич — лауреат III степени диплом хаhаайыннарынан буолбуттара.
Ахсынньы ыйга биир саамай улахан бэлиэ түгэнинэн уһуйааммыт 35 сыллаах үбүлүөйүн бэлиэтээһиммит буолла.Үбүлүөй төрөппүттэр көмөлөрүнэн,өйөбүллэринэн үрдүк таһымнаахтык барда.Оҕолорбут үөрэ-көтө ыллаан,үҥкүүлээн сүргэбитин көтөхтүлэр.
Аны бөлөхпүт иһигэр Д.К.Сивцевы –Суорун Омоллоону билиһиннэрэн кини айымньыларынан выставка тэрийдибит. Суорун Омоллоон иитэр-үөрэтэр суолталаах оҕолорго анаан суруйбут тэттик кэпсээннэрин истэн ,оҕолор бэйэлэрэ уруһуйдаан кырачаан кинигэлэри оҥордулар.Бу кинигэлэрин ис хоһоонун схеманан уруһуйдаан ,кэпсииргэ эрчийэбит, ситимнээх саҥаларын сайыннарыыга үлэлэһэбит.Түмүгэр истибит кэпсээннэрин ис хоһоонунан викторина ыыттыбыт.Салгыы кэтэһиилээх,кэһиилээх Саҥа Дьылы көрсөргө бэлэмнэнии үлэ күнүн ахсын тиһигин быспакка ыытыллар.
Жерготова А.И.