«Күнчээн» бөлөх уолаттарыгар «Кырачаан боотурдар» диэн бырайыак ылынан, үлэбитин саҕалаатыбыт.
Бырайыак сыала: уол оҕону сахалыы өбүгэлэрбит оонньууларынан этин-хаанын сайыннарыы.
Соруктар:
- оҕону тулуурдаах, дьулуурдаах, кыахтаах, дьаныардаах буоларга иитии;
- кырачаан боотурдар оонньууларын тиһигин быспакка ыытыы;
- төрөппүтү кытары ситимнээх үлэни тэрийин.
Спорт көрүҥнэринэн киирдилэр сүүрүү (30м), атах оонньуута «Куобах», мас тардыһыыта, хапсаҕай, өбүгэлэр оонньуулар (ойбонтон уулааһын, мүһэ тардыы, бөтүүктэһии, оҕус уонна чөҥөчөк, тутум эргиир уо.д.а.).
Гендернэй иитии уол оҕо ис-санаатын кытары сайыннарар буолан, уолаттар астына-дуоһуйа, улахан баҕалаахтык кытталлар.
Иитээччи: Урбагаева Мария Ивановна
