Муус устар 26 күнүгэр «Мичээр» уһуйааммытыгар Саха Өрөспүүбүлүкэтин күнүгэр аналлаах тэрээһин буолла.
«Өбүгэ быстыбат ситимэ» диэн улахан уонна бэлэмнэнии бөлөх оҕолоругар аралдьытыы ыытылынна.Оҕолор ырыанан-тойугунан, хоһоонунан, чабырҕаҕынан,норуот ырыатынан, сахалыы үҥкүүнэн,олоҥхонон кытыннылар, дуоһуйа үөрэ-көтө толордулар . Саха бастыҥ үҥкүүтүнэн-оһуохайынан дьоро күнү түмүктээтилэр.
Онтон иитээччилэр «Төрөөбүт дойдугун төһө билэҕин?» диэн тургутук оонньууга көхтөөхтүк кыттан билиилэрин хаҥаттылар.
Өрөспүүбүлүкэ күнүгэр аналлаах оҕолор уруһуйдарын уонна оҥоһуктарын быыстапката тэрилиннэ.
Саха суруйааччыларын хоһооннорун оҕолор радиоҕа ааҕан иһитиннэрдилэр.
Төрөөбүт дойдубутун таптыахха, харыстыахха
Саха буоларбытынан киэн туттуохха!
«Алгыстаах Алаһа»тэрийэр бөлөх
.
